Që sot hyjnë në fuqi masat e  reja edhe më  rigoroze për mosrespektimin e rekomandimeve të qeverisë  për t′u mbrojtur nga korona virusi,  të cilat duhet të zbatohen nga inspektorët shtetëror.

Drejtori i Inspektoratit Shtetëror të Punës thotë që nuk do të ketë më paralajmërime për punëdhënësit për të cilët do të ketë kallëzim se nuk i kanë dhënë leje të qëndrojë në shtëpi njërit nga prindërit  me fëmijë deri në moshën 10 vjeçare, pas aplikimit të masave të reja.

₺ Nuk do të ketë më “ Karton të verdhë” për ato që nuk do i respektojnë rekomandimet. Sot morëm udhëzime të rrepta nga Qeveria që menjëherë të dënojmë për mosrespektim. Në telefonin që është në dispozicion  24 orë, pasi që u aplikuan masat kemi 300 paraqitje. Përgjithësisht kanë të bëjnë me rekomandimin që njëri nga prindërit të qëndrojë në shtëpi. Njëzet ishin për mosrespektim nga punëdhënësit. Në të gjitha rastet vepruam dhe u treguam punëdhënësve  që e kanë të domosdoshme t′i respektojnë rekomandimet. Këtë gjë e bëjmë  me anë të  telefonit , por edhe duke dalë në teren, gjithmonë që të zvogëlojmë rrezikun e përhapjes së sëmundjes. Kemi shumë lajmërime nga të punësuarit që pyesin se si të veprojnë sipas këtij rekomandimi dhe të gjithë i udhëzojmë si ta realizojnë të drejtën e qëndrimit në shtëpi nëse kanë fëmijë deri në moshën 10 vjeçare”, deklaroi për “A1on”, drejtori i Inspektoratit Shtetëror të Punës, Alajdin Havziu.

Ai theksoi që Inspektorati do të punojë  edhe dy ditët e vikendit. Veprojnë pas çdo paraqitje telefonike dhe pas çdo parashtrese.

“ Në disa qytete të vogla ku nuk kemi mundësi të reagojmë menjëherë për shkak të kapacitetit të kufizuar , ne e bëjmë atë të nesërmen pas paraqitjes së parashtresës, por nuk ka ngelur  paraqitje apo parashtresë në të cilën nuk kemi reaguar” thotë drejtori Havziu dhe thekson që për fat të keq vetëdija e qytetarëve ndaj obligimit për të respektuar rekomandimet është në nivel shumë të ulët.

Inspektorati Shtetëror i Punës ka gjithsej 113 inspektorë të cilët gjatë vikendit do të janë në punë , ndërsa çdo shkelje e rekomandimeve do mund të paraqitet në numrin e telefonit 151 31. Rekomandimi që njëri nga prindërit që ka fëmijë deri në moshën 10 vjeçare të qëndrojë në shtëpi u aplikua të mërkurën si masë për parandalimin e korona virusit ,pas vendimit të Qeverisë që  shkollat dhe kopshtet të mbyllen për 14 ditë.

Marrë nga:А1on.mk