Во текот на изминатата работна недела од 21.02. до 25.02.2022 година, Државните инспектори за труд од областа на работните односи извршија вкупно 424 инспекциски надзори на целата територија на Република Северна Македонија.

Од вкупниот број на надзори извршени се 135 редовни надзори, 208 вонредни надзори и 81 контролни инспекциски надзори за утврдување  дали работодавачите постапиле  по истекот на рокот од издадените решенија.

Во овој извештаен период, издадени се вкупно 89 решенија од кои 69 решение со опомена за утврдени неправилности и недостатоци  по различни основи од Законот за работни односи и издадени се 19 решенија со наредба за непостапување по решението со опомена и 1 решение забрана за вршење на работа во рок од 15 дена согласно член 259 од ЗРО.

Издадени се 11 прекршочни платни налози за сторен прекршок и утврдена глоба во истите во зависност од големината на правниот субјект.